الرئيسية
البوابة
أحدث الصور
انا الرئيس
لقيت الحارس الخصوصى بيخبط عليا الساعه 6 الصبح
طق
طق
طق
سيادتك صحيت يا ريس
ايوة ياابنى
صباح الخير سعادتك
الحمام جاهز لمعاليك
روحت الحمام وخرجت
لقيت الولد التانى مستنينى بدله سعادتك يا ريس
اخر موديل زى ما امرت
قبل ما اكمل لبس البدله لقيت غيرو بيقولى
الفطار جاهز سعادتك
مش عارف ليه نفسى مسدوده
المهم كلت برضه علشان عندى احساس انى مش هينفع كل شويه اقول هاتوا اكل
دا ما يتماشاش مع اتكيت الرئيس
كان نفسى اجرى شويه ولا العب شويه رياضه على الصبح
قالولى سعادتك وراك معاد حالا
معاد ايه احنا لسه اصطبحنا
ايوة سعادتك
طيارة موزمبيق على وصول
ولازم تقابل الرئيس الموزمبيقى فى المطار
بما انى انا الرئيس يبقى لازم انا اللى اقابل الرئيس الموزمبيقى مش حد تانى
كلام منطقى
دار الكلام فى رأسى لقيت ظابط من الحراسه بيقولى
الركاب جاهز سعادتك
اتحركت ناحيه العربيه لقيته بيقولى
سعادتك هتركب العربيه اللى ورا دى
لسه هتكلم
لقيتو بيقولى لدواعى امنيه
اتمشيت ناحيه العربيه اللى قالى عليها وركبت
واتحركت العربيه
فى الطريق كنت عاوز امر على الجنينه فى الطريق واقعد شويه على النجيله اشم شويه هوا
واستريح من صداع الاسلكى ايوة سعادته فى نص الطريق
تمام يا فندم
فى حاجه يا ابنى
ابدا يا فندم دا طيارة موزنبيق بتنزل ارض المطار
وصلنا المطار
والكل بيجرى حواليا وانا عمال اتكعبل فى الضباط
واخيرا لمحت اخى العزيز الرئيس الموزمبيقى
بالحضن يا زعيم الموزمبيقيين والموزمبيقيات نورت بلدك يا غالى
المترجم طبعا قايم بدوره وهو مش فاهم كلامى بس لازم يبتسم
وانا كمان!!
نزل الرئيس الموزمبيقى ضيفا عندنا
وتناقشت انا وهو فى بعض احوال البلدين
زى ما عمده البلد يعمل لما يقابل عمده بلد تانيه
اتكلمنا بما فيه الكفايه
وطبعا هو لازم يعمل حاجه
المهم خرجت انا واخى الرئيس الموزمبيسقى افتتحنا مصنعين ولفينا فيهم شويه وشوفنا خط الانتاج
رجعنا القصر الجمهورى
الغدا جاهز يا ريس
رحبت بالضيف على الغدا
كويس قوى الغدا دا
لانه مش لحوم زى كل يوم
ايه دا
فول وطعميه وملوخيه
شاورت للطباخ
جه يجرى
ايه يا ابنى اللى انت عامله دا
سيادتك والله يا ريس
الوفد المصاحب للرئيس الموزمبيقى عارفين انى الوجبه الشعبيه فى بلدنا الفول والطعميه
طلبوا انى الغدا يكون كدا
يابنى انا اصلا ما بحبهمش اساسا
لكن نعمل ايه
انا الرئيس
والرئيس الموزمبيقى بياكل وفرحان
ومستغرب انا ليه ما باكلش
طبعا ابتسمت انا كمان وبدأت اكل
بطنى وجعتنى بالظبط بعد دقيقتين
طلبت الدكتور
جه الدكتور
حاسس بايه يا ريس
بططنى بتتفرتك
ليه سيادتك اكلت ايه
ابدا يا ابنى دا اكل عادى
دا فول
دى محاوله للاغتيال بالسم
الحراسه والدنيا اتقلبت
والطقم الطبى بقى يجرى ويتكفى
وتم التحفظ على طقم الطباخين
وتعم عمل غسيل معده
حمدله على سلامتك ياريس
الله يسلمك يادكتور
عرفتوا مين اللى عاوز يموتنى
ابدا يا ريس
محدش عاوز يموتك
امال اللى جرالى دا من ايه
مش قولتو حاله تسمم
سيادته احنا كنا فاكرينها كدا
بس اتضح بالتحليل انى الوجبه سليمه ومفيهاش اى حاجه
امال ايه اللى بيحصلى دا
الفول اكل عادى بس بيحتاج معده من مواصفا ت خاصه ياريس
مش معده رؤساء
ليه
لانه بينهضم فى 8 ساعات
مش زى القشطه مثلا بتتهضم فى نص ساعه
والرئيس الموزمبيقى عمل ايه
خد طيارته وسافر بمجرد ما قلنا محاوله اغتيال
خلو طقم العلاقات العامه يبعت مذكرة تشرح اللى تم واعتزار رسمى
اوامرك ياريس
الطباخ فين
تم اعتقاله ياريس
لا افرجو عنه حالا
اوامرك يا ريس
تانى مره لو فى تغيير فى برنامج الاكل تبلغونى قبلها مش افاجئ ساعتها
اوامر سعادتك ياريس
طب والاكل
سعادتك هتاخد محاليل لمده 24 ساعه وبعدها تقدر تاكل اى حاجه بس مش فول
الله يكون فى عون اولادنا
بجد هما دول الابطال يكفى انهم بيهضموا الفول
طب فى اى مواعيد النهارده
ايوة ياريس
دا نهائى الدورى المصرى النهارده
بين الاهلى والزمالك
الساعه كام 8
تمام
الطريق سعادتك هيبقى برى بالركاب
وماله
فاضل كتير نص ساعه على التحرك
يلا اجهزوا دلوقتى انا عاوز اخرج
اوامرك ياريس بس دا مش كويس على الترتيبات الامنيه
مش مهم
انا قولت نتحرك دلوقتى
علم وينفذ
ركبنا العربيات
اتحركنا
فى مدخل الكوبرى حصل انفجار قنبله
الكل بيصيح اغتيال
اغتيال
اغتيال
خيانه
لقيت واحد راكب موتوسيكل
وقرب منى كتير
ومعاه رشاش
وراح ضارب عليا رصاص كتير
وانا خيانه لا
لقيت امى بتقولى مش قولتلك تتغطى كويس قبل ما تنام
هتاخد برد يا ابنى
قولت الحمد لله انى الواحد لسه عايش
واكتشفت انى كنت فى كابوس مزعج
بس كابوس من نوع خاص
كابوس الرئيس
